--Ads--
Imbilin ni Presidente Ferdinand Marcos Jr ti naun-uneg nga imbestigasyon iti kaso dagiti mapukpukaw a sabungero.
Segun ken ni Palace Press Officer Claire Castro, kayat a madusa ti presidente dagiti karaman iti kaso tapno maipaayan iti hustisia ti pamilia dagiti biktima.
Ngem kinuna ni Castro nga uray pay no adda nagparang a testigo a mabalin a makatulong iti kaso ket kasapulan latta ti nadagdagsen nga ebidensya tapno mapaneknekan.
Kinunana a nasaysayaat no urayen pay ti ar-aramiden nga imbestigasyon ti Department of Justice nga isu ti mangsapsapul kadagiti nayon nga ebidensya ken testigo tapno masulbar ti kaso.
-- ADVERTISEMENT --
