--Ads--
Umaboten iti 140 containers wenno 54,000 a naabandona a balikbayan boxes iti narugian nga impatulod ti Bureau of Customs.
Dagiti nasao a naidanon ket dagiti natengga a balikbayan boxes nga impatulod dagiti Oversease Filipino Workers (OFWs) a saan a naawat dagiti pamiliada kalpasan a nalimlimo kadagiti logistic providers.
Segun ken ni Customs Commissioner Ariel Nepomuceno, iti uneg iti dua a lawas ket manamnama a makadanon kadagiti pamilia dagiti OFW ti balikbayan boxes.
Binayadanen ni President Ferdinand Marcos Jr. ti gastos iti pannakaideliver dagiti balikbayan box tapno maidanonen.
-- ADVERTISEMENT --
Kinuna met ni Finance Sec. Frederick Go, saanda a baybay-an nga awan ti pagbanagan ti tunggal balikbayan a nagrigatan dagiti OFW para iti pamiliada.
