Natay gapu ti Bagyo Kristine, umaboten ti 90 – OCD

Umaboten iti siam a pulo ti natay iti panagduprak iti bagyo Kristine kas pinasingkedan ti Office of the Civil Defense wenno OCD.

Segun ken ni OCD Administrator Undersecretary Ariel Nepomuceno, agtultuloy iti panang-verify-a nu ania iti impatay dagiti biktima.

Iti listaan iti OCD, tallo iti nainayon iti bilang dagiti natay manipod iti walopulo ket dua idi Sabado.

Manarimaan pay iti pannakasapul iti uppat a pulo ket maysa a mapukpukaw idinto a nairekord met iti pitopulo a nadunor iti panagduprak iti bagyo.