VIGAN CITY- Tallo pulo a milyon, uppat a gasut a ribo a pisos iti pakabuklan a pastrek dagiti naglako ken nakipaset ti Food and Trade Fair ti Kannawidan Ylocos festival itatta a tawen kas maibasar iti pinal a kuntar ken rekord ti Department of Trade and Industry.
Ti nasao a gatad ket nangatngato iti dua a milyon, pito gasut a ribo a pisos ngem iti dua pulo ket pito a milyon, pito gasut a ribo a pisos a pastrek da idi napalabas a tawen.
Inlawlawag ni Benigno Ponce ti DTI a saan a gapu ta nasurok a tallo pulo a milyon a pisos iti napastrek da itatta a tawen ket masapul nga isun iti artapan da inton umay a tawen, ngem ketdi ti target da itatta a tawen a sangapulo ket walo a milyon a pisos ket manayunan to laeng iti sangapulo a porsyento nga isun to ti posible a target da iti maisayngkat a Kannawidan Ylocos Festival 2020.
