Inlatang ita a tawen ni Presidente Ferdinand Marcos Jr. ti nasurok P63 bilyon para kadagiti proyekto ti National Irrigation Administration (NIA) a gagemna a palawaen ti imprastruktura iti agrikultura ken maikkan ti moderno nga alikamen dagiti mannalon.
Impasigurado ni presidente Marcos nga agtultuloy a panangited kadagiti mannalon ti napardas nga access iti teknolohiya, training ken suporta tapno mapasayaat ti biag.
Segun ti presidente, dandani P300 bilyon ti kabuklan a pondo para kadagiti programa ken proyekto iti sektor ti agrikultura ita a tawen.
Manipud ti budget ti DA, nasurok P33 bilyon ti para iti farm-to-market road projects iti 2026 pakairamanan ti P370 milyon para idiay Zamboanga del Sur.
Innayon pay ni presidente Marcos a P371 milyon ti nailatang para iti small scale irrigation projects.
