Maipariten ti nabayag a tignay ken transaksion iti Department of Budget and Management (DBM).
Iti maikadua nga aldaw ni acting Secretary Kim Robert de Leon iti DBM, imbilinna iti amin nga opisial ti ahensia a masapul ti napardas a serbisio iti publiko.
Pinasingkedan ti opisial nga iti salinong ti panangidaulo na iti ahensia, itandudo na ti kultura ti napardas a tignay ken naka-sentro iti publiko a serbisio ti DBM tapno dagus a marikna dagiti Pilipino.
Segun ken ni De Leon, saan a mabalin iti DBM ti red tape ken nabayag a proseso isu a masapul nga itandudo dagiti panagbaliw.
Kagiddan daytoy, impaganetget ti opisial a nakalukat ti ahensia kadagiti baro nga ideya ken reporma tapno mapasayaat ti proseso ti budget para iti pagsayaatan dagiti Pilipino.
