Maidiaya kadagiti Bigueño ti Benteng Bigas Program iti national government babaen ti panagtitinnulong ti lokal a gobierno iti Vigan, Department of Agriculture ken National Food Authority (NFA).
Ti nasao a programa ket inton April 30, May 4 ken May 5, 2026 idiay Vigan City Hall iti City Agriculture Warehouse idiay Barangay Nagsangalan manipod iti alas otso iti bigat agingga alas singko iti malem.
Ti addang ket tapno matulongan dagiti umili babaen ti panangted ti nalaka a bagas para iti inaldaw-aldaw a pagkasapulan.
Dagiti mabalin a gumatang ket dagiti mannalon, mangngalap, 4Ps members, tricycle ken PUV drivers, senior citizens, persons with disabilities, solo parents ken dadduma pay a vulnerable sector.
Napalagipan dagiti umili a mapan gumatang a mangitugot iti ID wenno dokumento para iti verification.
Ti nasao a programa ket first come, first served.
