Sinigurado ti Department of Social Welfare and Development wenno DSWD nga agtultuloy iti panangipaay ti tulong kadagiti umili a naapektaran ti Tropical Storm Ramil iti pagilian.
Segun ken ni DSWD Disaster Response Management Group (DRMG) ken Assistant Secretary Irene Dumlao, nakaipayaan dagiti field office a dimmalanan iti Bagyo Ramil iti P5.4 million a gatad iti humanitarian assistance kadagiti umili ken pamilia a naapektaran ti weather disturbances.
Agtultuloy iti panagiwaras iti DSWD ti tulong kadagiti naapektaran ti Bagyo Ramil kangrunaan idiay Western Visayas ta dakkel iti nagbalin a damage iti nasao a rehiyon.
Karaman iti impaay a tulong iti ahensya ket dagiti karton a naglaon iti family food packs (FFPs) kadagiti naapektaran a pamilia ken ready-to-eat food (RTEF) boxes para kadagiti stranded a pasahero kadagiti pantalan.
Ti kadakkelan a gatad a naipatulod a tulong ket idiay Western Visayas ta P3 million food ken non-food items, sarunwen iti Central Luzon a P1.1 million, ken nasurok P1 million a gatad iti tulong iti naipaay idiay Bicol Region.
