VIGAN CITY – Addan iti ikot ti Provincial Animal Quarantine Office ti sangagasut ket tallo pulo a kilo ti longganisa a nakumpiskar iti provincial quarantine checkpoint idiay national highway, Barangay Bio, Tagudin idi alas dyes y media iti agsapa idi kalman, October 14.
Innala dagiti quarantine officers dagiti nasao a produkto agsipud ta awan iti naan-anay a dokumento a naipakita kadakuada iti akin-kukua.
Mainaig dayta, nakaitudingen a maiyalis iti opisina ti Provincial Veterinary Office dagiti nasao a produkto ta isuda iti naan-anay a mangidispose.
Dagiti nasao a produkto ket nailugan ti tricycle a minaneho ni Rommel Sobremonte Bucsit nga agtawen ti tallo pulo ket dua, naasawaan nga agnaed idiay Barangay Legleg, Bacnotan, La Union kadua na iti akin-kukua dagiti meat products a ni Wilma Vega Padua nga agtawen ti uppat a pulo ket innem, naasawaan ken agnaed idiay Barangay Cabaroan, Bacnotan.
