--Ads--
Pinasingkedan ni Office of Civil Defense Administrator Usec Ariel Nepomuceno a nasurok 36,000 a rescue personnel ken dagiti asset da ti nakabantay tapno naal-alistoda a makaresponde iti epekto ni Super Typhoon Pepito.
Segun ken ni Nepomuceno, paset ti “strategic deployment” dagiti kameng ken alikamen iti panagsaganada para iti super typhoon.
Karaman kadagiti rescue troops dagiti kameng ti OCD, Army, Air Force, Navy, Coast Guard, ken Bureau of Fire Protection, ken uray dagiti local government units.
Naisagana pay ti land, sea ken air assets a mangsupsuporta iti rescue personnel tapno masigurado ti nasapsapa a deployment nu bilang kasapulan.
-- ADVERTISEMENT --
