Dimmalanen ti mandatory drug test iti Land Transportation Office (LTO) dagiti nasurok tallogasut a bus driver ken konduktor iti Solid North Bus iti Terminal-da idiay EDSA Cubao.
Ti addang ket kasaruno ti bilin ni Transportation Sec. Vince Dizon tapno iduron ti road safety.
Segun ken ni LTO Chief Assistant Secretary Vigor Mendoza II, insigida a tignayan ti ahensya dagiti driver ken konduktor nga agpositibo iti drug test.
Nagpanawagan iti gobierno ni Pangasinan Solid North Bus Union President Emerito Sanchez a saan a suspensoen ti sibubukel nga operasyon iti Solid North nu diketdi maysa a ruta laeng.
Inlawlawagna nga adda met laeng pamilia dagiti empleado a nakaru a maapektaran nu mapasardeng ti operasyonda.
Manamnama a dua gasut a driver ken konductor pay iti maidalan iti mandatory drug test inton bigat, May 7, 2025.
