--Ads--
VIGAN CITY – Adu latta dagiti sukir nga ipadas da nga iserrek ditoy probinsiya dagiti maiparit a produkto.
Dayta ket agsipud ta maysa a van a naglaon ti dua ribo sangagasut lima pulo a kilo ti imported a manok iti nasalamaan ti nagtipon a puwers ti Tagudin municipal police station ken 2nd Company ti ISPMFC idiay quarantine checkpoint, Barangay Bio, Tagudin.
Ti nasao a van ket minaneho ni Moreno Gulben Sumaylo, agtawen ti tallo pulo ket siam, naasawaan ken agnaed idiay No. 112 Bahya Pari St. Gen T De Leon, Valenzuela City a saan pulos a nakaiparang iti naan-anay a dokumento ken saan na nga inpa-inspeksyon iti karga ti minaneho na a lugan.
Agsipud iti dayta, ikoten dagiti otoridad iti driver ti van para iti proper disposition.
