--Ads--
Nasurok 21, 000 a pulis ti iwaras ti Philippine National Police kas paset ti seguridad para iti maikalima nga State of the Nation Address ni Presidente Ferdinand Marcos Jr iti Batasang Pambansa idiay Quezon City.
Segun ken ni PNP Chief Police General Jose Melencio Nartatez Jr., nakumpleto da ti security protocol ken maisaysayangkat ti phased deployment dagiti pulis kadagiti lugar nga agkasapulan ti naing-inget a panag-bantay.
Pinasingkedan ni Nartatez a nakasagana ti grupo da tapno siguradoen ti kinatalged dagiti opisial, bisita ken ti publiko bayat a maisaysayangkat ti SONA.
Nagpalagip met ti PNP chief kadagiti pulis a pagtalinaeden ti maximum tolerance iti responsibilidad da ita nga aldaw.
-- ADVERTISEMENT --
