Vigan City – Umabot ti 1, 503.68 a kilo ti meat product a nakaikarga iti Isuzu freezer van ti nasalamaan idiay Brgy. Bio, Tagudin iti agtultuloy nga animal quarantine checkpoint iti kangitingitan dagiti checkpoints gapu ti COVID- 19 pandemic.
Ti nasao a van ket minaneho ni Chito Gonzales, agtawen ti tallo pulo ket dua a taga-Brgy. Banag Balococ, Apalit, Pampanga kadua na iti pahinante na a ni Nilo Acoyno, agtawen ti tallo pulo ket dua a taga Aseniero, Dapitan City.
Linabsan dagiti dua ti checkpoint ken awan iti imparangda a dokumento dagiti karga da a meat products isu a nakemmeg da.
Naipan iti ikot ti Tagudin municipal police station ti driver ken pahinante ti van, pakairamanan dagiti karga da a meat products ket maisagsaganan iti kaso a maipila kontra kadakuada.
