--Ads--
Plano ti Department of Public Works and Highways ti pannakatarimaan ti nasurok 1,000 a klasrum a nadadael gapu iti bagyo Opong idiay Masbate iti uneg ti dua a bulan.
Maipalagip a nag-landfall idiay Masbate ti bagyo Opong idi September 27 a nakaapektaran ti rinibo a pamilia ken nakadadaelan ti minilion a gatad ti imprastraktura iti intero a probinsia.
Naidalan met iti state of calamity ti nasao a probinsia iti simmaruno nga aldaw.
Nangirusat ti DepEd iti rapid response operation tapno masuportaran dagiti pagadalan ken komunidad a naapektaran ti nagsasaruno a didigra, kas ti bagyo Nando ken Opong ken ti gingined idiay Bogo City.
-- ADVERTISEMENT --
