--Ads--
Plano ti maysa a sikat a kompania iti electric vehicle nga agpatakder ti planta iti pagilian a pakaaramidan dagiti electric vehicle para iti lokal a merkado.
Dayta iti impakaammo ni Department of Trade and Industry (DTI) Secretary Christina Roque iti Association of Southeast Asian Nations (ASEAN) Editors ken Economic Opinion Leaders Forum.
Ngem saan pay laeng nga innaganan ni Roque no ania a kompania ti planona nga agpatakder ti planta iti pagilian.
Kinunana nga ipakaammodanto laengen no ma-finalize ti panagpuonan.
-- ADVERTISEMENT --
Inlawlawag ni Roque a napintas iti nagbalin a patanganda iti nasao a kompania ken positibo a mangipasimudaag dayta para iti ad-adu nga agpuonan iti sektor iti manufacturing iti electric vehicle iti pagilian.
