Impakaammo ni Department of Trade and Industry secretary Cristina Roque nga isingsingasing ti Association of Southeast Asian Nations ti ratipikasion ti Association of Southeast Asian Nations Petroleum Security Agreement (ASEAN-APSA) tapno mapapigsa ti regional fuel cooperation.
Segun ken ni Roque, gagem ti katulagan a maaddaan ti coordinated emergency fuel sharing iti nagbaetan dagiti pagilian a miembro no adda oil supply disruption wenno krisis iti enerhiya.
Kagiddan daytoy, idurduron pay ti ASEAN-wide power grid tapno mas efficient ti panangiyakar ken panangipaay ti kuryente iti rehiyon.
Pinasingkedan ti ASEAN ti kari a pagtalinaeden a nakalukat ti exchange, liklikan ti export bans iti essential goods ken papigsaen ti food and energy security kangrunaan iti panawen ti krisis.
