Manamnama nga agtaripnong da Foreign Affairs Secretary Ma. Theresa Lazaro ken Chinese Foreign Minister Wang Yi tapno pagpatangan ti bilateral relations iti Pilipinas ken China.
Dayta iti pinasingkedan ni DFA Spokesperson on ASEAN matters Dominic Xavier Imperial kagiddan ti panagrugi dagiti taripnong ken conference iti Association of Southeast Asian Nations (ASEAN) foreign ministers a dar-ayan iti nasurok limapulo a pagilian manipod July 20 agingga 24.
Idi nasaludsod no mapagpatangan ti kontrobersial nga AI-generated video Chinese state media a mangiladawan kadagiti Pilipino kas sunggo, kinuna ni Emperial a saanna pay laeng nga unaan ti agbalin a patangan ti dua nga opisyal.
Saan met a dinakamat ni Imperial no kaano ti panagtaripnong da Lazaro ken Wang.
Immunan a pinasingkedan ti DFA a manamnama a dumar-ay pay ti ASEAN Foreign Minister’s Meeting and Related Meetings idiay Manila ita a lawas da Wang ken United States Secretary of State Marco Rubio.
