VIGAN CITY – Inbilin ni Governor Ryan Singson kadagiti amin a local government units ditoy probinsiya iti naing-inget a panangiyimplementar da kadagiti bilin ti Inter-Agency Task Force for the Management of Emerging Infectious Diseases tapnu masigurado a saan a makastrek ditoy probinsiya ti coronavirus disease 2019.
Dayta ket iti kangitingitan pay laeng iti pannakaisakup ti intero a Luzon ti enhanced community quarantine gapu iti nasao a sakit.
Agsipud iti dayta, nangiyetnag ni Singson iti Executive Order No. 15 Series of 2020 nga isu iti nakaipalaonan iti bilin na para kadagiti amin nga LGU.
Dagiti saan a sumurot a LGU ket dusaen ti provincial government, sabalin to laeng iti dusa nga ipakat ti Department of Interior and Local Government kadakuada.
