VIGAN CITY – Simmukon kadagiti pannakabagi ti linteg idiay ili ti Bantay iti nagmaneho iti Ford Ranger a nairaman iti aksidente idi alas dyes disisais iti rabii ti October 1 idiay Zone 5, Bantay.
Nabigbig iti nagmaneho iti nasao a lugan a ni Francisco Rabit Sr., nga agtawen ti pito pulo ket maysa a taga- Casili, Sto. Domingo.
Tinarayan ni Rabit iti nadungpar na a Pinoy 155 tricycle a minaneho ni Mark Louie Remucal nga agtawen ti dua pulo ket uppat, baro ken agnaed idiay Malingeb, Bantay agsipud ta nagniyerbyos ta damdamo na iti makadungpar.
Inrason pay iti nagmaneho ti Ford Ranger a nablow-out iti akin-sango a pilid iti lugan na isu a saan a nagsardeng idi nadungpar na iti nasao a tricycle.
Gapu iti aksidente, naipaagas idiay Ilocos Sur Provincial Hospital- Gabriela Silang ni Remucal ta nadundunor iti ulo na.
