Nadunor ti maysa a lalaki a nagmaneho ti motorsiklo kalpasan a naaksidente iti national highway idiay Barangay Lungog, Narvacan Ilocos Sur itay bigat, June 20, 2026.
Ti nagmaneho ti Honda Click 125 motorcycle ket lalaki nga agnaed iti nasao a lugar.
Iti pannaki-uman ti Bombo Radyo Vigan ken ni PCpt. Jumar Castro nga Acting Chief of Police iti Narvacan Municipal Police Station, agturong iti daya a direksyon ti driver iti motorsiklo idin nadanonna iti sharp curve iti nasao a kalsada ket naawanan ti kontrol a gappuanan iti pannaka-aksidentena wenno pannakaidungparna iti pavement.
Segun ken ni Castro, gapu iti pasamak ket nagsagaba ti minor injuries ti driver isu a naipan nga insigida iti ospital para iti pannakatamingna.
Iti agdama ket natalgeden ti kasasaad ti driver ti motorsiklo.
