Maysa nga store owner ti nakemmeg iti buy-bust operation a naisayangkat iti ili ti Narvacan, Ilocos Sur.
Ti suspek ket maysa a lalaki nga agtawen ti tallo pulo, naasawaan ken residente ti nasao nga ili.
Naala manipod iti suspek ti 0.50 grams ti maatap a shabu nga aggatad ti 3,400 pesos a naisiled iti small heat-sealed transparent sachets.
Dagiti met non drug evidences a naala manipod kenkuana ket maysa a 500 peso bill, 1 nga black pouch ken black Honda click motorcycle.
Segun kenni PLT. Reynald Ramos iti Narvacan Municipal Police Station, ti suspek ket datin a drug surrenderee ken naka-under surveillance kadagiti kameng ti PNP.
Iti agdama, addan ti suspek iti sidong ti Narvacan Municipal Police Station para ti assessment ken sangwenna ti kaso a panaglabsing ti Republic Act 9165 wenno comprehensive dangerous drug act of 2002. Kleofe Jyna Dayag
