Nagsagaba ti gasgas iti dadduma a paset ti bagi ti driver ti motorsiklo kalpasan a nasagid ti maysa a tricycle a nag-overtake kenkuana iti national highway idiay Barangay San Jose, Narvacan, Ilocos Sur itay bigat, August 13, 2026.
Ti nagmaneho ti Honda Click 125 motorcycle ket lalaki nga agtawen iti innem a pulo ket walo, naasawaan nga agnaed idiay Barangay San Pedro, Narvacan.
Ti met nagmaneho iti tricycle ket lalaki nga agtawen iti innem a pulo ket walo, naasawaan, tricycle driver nga agnaed idiay Barangay Sucoc, Narvacan.
Sakbay iti aksidente, agpada nga agpapaammianan a direksyon dagiti dua a lugan a ti akin-sango ket ti nakamotor.
Idi nadanonda iti nasao a lugar, sakbay iti traffic signal, pinadas a nag-overtake iti tricycle iti motorsiklo ngem isu metten iti pannakasagidna iti nakamotor isu a naawanan ti kontrol ti driver ket natumba iti kalsada.
Gapu ti gasgasna ket naipan iti Ilocos Sur District Hospital – Narvacan babaen kadagiti nagresponde a kameng ti Philippine National Police ken Municipal Disaster Risk Reduction and Management Office para iti pannakatamingna idinto a saan a naan-ano ti driver ti tricycle.
