Gasgas ken naglamma iti dadduma a paset ti bagi iti sinagaba dagiti dua nga indibidual a naglugan iti AUV kalpasan a nadungpar ida iti pickup iti national highway idiay Barangay Lungog, Narvacan, Ilocos Sur itay malem, August 13, 2026.
Ti nagmaneho iti Chevrolet Colorado LTZ pickup ket lalaki nga agtawen iti uppat a pulo ket lima, naasawaan nga agnaed idiay Barangay San Antonio, Narvacan.
Ti met nagmaneho iti Isuzu Sportivo ket lalaki nga agtawen iti duapulo ket maysa, awanan ti trabaho nga agnaed idiay Barangay Poblacion, San Quintin, Abra; kaduana ti maysa a babai nga agnaed met laeng iti nasao a lugar.
Sakbay iti aksidente, agpapabagatan ti pickup iti agpababa a paset ti kalsada idinto nga agpapa-amianan met ti AUV iti agsang-at a direksyon.
Idi nadanonda iti nasao a paset ket kellaat a bimtak ti pilid ti pickup a gappuanan ti saan a pannakakontrol ti driver iti lugan isu a napan iti bangir a direksyon ken naidungpar iti masungad nga AUV.
Gapu dayta ket agpada a nagasgasan ken naglamma iti agduduma a paset ti bagi ti driver ti AUV ken kaduana isu a naipanda iti Ilocos Sur District Hospital – Narvacan para iti pannakatamingda idinto a saan a naan-ano ti driver ti SUV.
