Nadunor dagiti nagkalubbon iti motorsiklo gapu iti aksidente idiay V. Delos Reyes Street, Barangay I, Vigan City, Ilocos Sur.
Ti Sniper 155 a motorsiklo ket minaneho ti agtawen iti duapulo ket maysa, backrider-na ti agtawen iti duapulo, tubo iti Pilar, Abra, ngem agpadada nga agnaed iti Barangay San Julian Sur, Vigan City.
Ti met Nissan Navarra ket minaneho ti agtawen iti duapulo ket tallo, taga-Zone 5, Bangued, Abra.
Maibasar iti imbestigasion, nag-reverse drive ti Nissan Navara a sumrek iti parking spot iti laud a paset ti kalsada babaen iti panangbayabay ti gwardya idinto a napaspas ti pataray ti motorsiklo nga agpaamianan.
Uray no nabagaan nga agmenor ti motorsiklo tapno maliklikan ti aksidente ket intuloyna latta ti limmasat isu a nadungparna ti akin-kannigid a paset ti Nissan Navarra.
Naipaagas dagiti nagkalubbon iti ospital gapu iti sinagrapda a dunor idinto a saan a naan-ano ti drayber ti Nissan Navarra.
Awan ti helmet dagiti nagkalubbon ken nakainomda idi mapasamak ti aksidente.
