--Ads--
Nadunor dagiti nagkalubbon iti motorsiklo gapu iti aksidente a napasamak idiay Katipunan Street, Barangay Bulala, Vigan City, Ilocos Sur.
Nabigbig ti drayber a ni Maurice Gabriel Pimienta Arconado, agtawen iti duapulo ket uppat, awan ti driver’s license na, nakasuot iti helmet, ken taga-Barangay VI, Vigan City, minanehona ti Honda Click motorcycle.
Ti met kinalubbonna ket ni Stephanie Abo Madriaga, agtawen iti duapulo, awan helmetna, taga-Barangay Tay-ac, Bantay.
Agpapadaya ti motorsiklo ket idi nadanonna ti nakapasamakan ti insidente, saan a nakontrol ti drayber ti manibelana ket naidungpar iti alad.
-- ADVERTISEMENT --
Natakuatan a ti drayber ket nakainom iti arak idi napasamak ti aksidente.
