Inruaren ti Professional Regulation Commission ti listaan dagiti nakapasa iti March 2026 physicians licensure examination, ngem saan pay a naipakita ti nagan ti top scorer para iti naan-anay a beripikasion.
Malaksid iti Top 1, saan pay a naipakita iti publiko ti opisial a resulta dagiti 5 pay nga examinee.
Segun iti PRC, 1,954 manipud kadagiti 2,781 a test takers ti pimmasa iti exam nga impaay ti Board of Medicine kadagiti test center idiay Metro Manila, Baguio, Cagayn de Oro, Cebu, Davao, Iloilo, Legazpi, Lucena, Pampanga, Rosales, Tacloban, Tuguegarao, ken Zamboanga.
Maikadua a kangatwan ti score ni Alexis Bernardo Temblique ti Cagayan State University-Tuguegarao a nakaala iti 90.58 percent rating.
Top performing school ti Far Eastern University-Nicanor Reyes Medical Foundation nga adda 165 manipud 174 examinee ti nakapasa, katukad iti 94.83 percent.
