Nairekord ti Department of Health (DOH) iti nayon a kaso ti non-communicable diseases (NCDs) agingga ita a bisperas iti paskua.
Segun ti DOH, manipod December 21 agingga itattay bigat ket sangapulo ket walo ti baro a kaso dagiti pasyente a naatake iti puso, na-stroke ken nag-asthma.
Iti listaan, sangapulo ket uppat manipod duapulo ket lima a kaso ti atake ti puso kadagiti pasyente nga agtawen-iti-innem a pulo agpangato.
Sangapulo ket lima (15) manipod uppat a pulo ket lima (45) a kaso ti acute stroke ket karaman iti isu met la nga age group idinto a siam a kaso ti asthma, a ti uppat ket agtawen iti siam agpababa.
Kabayatanna, dua iti natay kadagiti nasao a kaso a ti maysa ket gapu ti strioke idinto a ti maysa ket atake iti puso.
No pay kasta ket nababbaba iti bilang dagiti nairekord a kaso kumparar iti isu met la a panawen idi 2024.
