Inikkat ti Land Transportation Office (LTO) dagiti multa para kadagiti transaksyon iti driver’s license renewal ken traffic apprehension cases kadagiti lugar a naapektaran iti Bagyo Tino ken Uwan.
Segun ti LTO, ti addang ket kas konsiderasyon iti work suspension dagiti government offices gapu iti panagduprak dagiti Bagyo Tino ken Bagyo Uwan.
Binilin ni LTO Chief Assistant Secretary Markus Lacanilao dagiti Regional Director, Assistant Regional Director, Regional Operations Division Chief ken dagiti Chief pf District/Extension Office iti intero a pagilian nga yatiddog ti bileg ti amin a driver’s license a nag-expired idi October 30, 2025.
Gapu dayta ket awan iti maipataw a muelta wenno pannausa iti LTO kadagiti ag-renew iti lisensya agingga November 28, 2025 kas tulong iti ahensya kadagiti naapektaran a motorista iti dua nga agsaruno a didigra.
Inlawlawag ti ahensya nga amin nga apprehension manipod October 28 agingga November 12, 2025 ket saan a mapatawan iti 30 days nga accessory penalty a suspensyon a masansan a maipatpataw kadagiti saan a nakabayad wenno nakasimpa ti traffic violation-a iti uneg iti sangapulo ket lima nga aldaw manipod iti aldaw a pannaka-isyu iti Temporary Operator’s Permit (TOP).
Epektibo iti nasao nga extension agingga November 28, 2025 isu nga allukoyen iti LTO amin nga apektado a motorista a gundawayan ken siguradoenda iti publiko iti agtultuloy a panangtedda iti konsiderasyon bayat a bumangbangon dagiti rehiyon a nadidigra.
