VIGAN CITY – Awan pay laeng pakabigbigan dagiti suspek a nangala iti Red Honda XRM 110 a nakanagan ken ni Elizabeth Del Rosario Collo, agtawen ti uppat a pulo, naasawaan a taga – Balingaoan, Candon City.
Segun ken ni Police Col. David Dulnuan, hepe ti Candon City police station, dagiti laeng CCTV footage nga adda iti asideg ti nakapukawan ti motor ti namnamaen da a makatulong kadakuada tapnu mabigbig nu sino dagiti nagtakaw iti motorsiklo.
Maipalagip nga inusar ni John Denver Collo nga agtawen ti sangapulo ket pito iti nasao a motorsiklo ket inparking na iti sangwanan iti pagtaengan ni John Van Pacquing.
Idi agsubli ni John Denver ta mapan na alaen iti inparking na a motorsiklo iti nangibatiyan na, mapukpukawen iti motorsiklo isu a sinapul na ngem saan na a nabirukan isu a nagpatulong kadagiti otoridad.
