Nasalamaan ti maysa a motorsiklo a nagkarga iti 250 heads iti day-old chicks ta naglabsing iti Provincial Ordinance No. 15-06 Series of 2015 wenno Animal Quarantine Ordinance iti national highway idiay Barangay Bio, Tagudin itattay bigat, May 21, 2026.
Ti nagmaneho iti black Honda PCX motorcycle ket lalaki nga agtawen iti duapulo ket pito, baro nga agnaed idiay Quezon City.
Nasalamaan ti nasao a motorsiklo babaen kadagiti kameng ti Tagudin Animal Quarantine Checkpoint ta nagkarga iti 250 heads iti day-old chicks nga aggatad iti P9,000 nga awan ti shipping permit-na, saan nga accredited iti transport vehicle ken saan a nagpa-inspect.
Iti agdama ti driver ken motorsiklo pakairamanan dagiti kinargana ket addan iti kustodiya iti Tagudin Animal Quarantine Office para iti proper disposition.
