Hustisia ti kiddaw ti pamilia iti agtawen iti tallo nga ubing a natay kalpasan a mapapati a binagsol ti ama na idiay Barangay Lacong, Tagudin.
Iti pannakiuman ti Bombo Radyo Vigan ken ni Poleng Lardizabal, ina ti ubing, kiddaw na a sumokon kuma ti tatang ti biktima tapno maipaayan iti hustisia ti anak ken ti pamiliana.
Segun ken ni Lardizabal, awan met ti makitkitada a rason no apay a mapapati a naaramid ti tatang a bagsolen na ti bukod na nga a anak ta nasingpet met daytoy.
Manipud idi Agosto 25, napan ti ubing iti pagtaengan ti ama-na ngem idi Agosto 28 ket isu metten ti aldaw a naaramid ti tatang ti insidente.
Maipalagip a nasarakan ti biktima iti kuwarto babaen iti lola na a naka-ules ken dara-dara nga adda tallo a bagsol iti barukong-na.
Dagus a naitaray daytoy iti balay pagagasan ngem naideklarar a dead on arrival.
Kabayatanna, nangipila metten ti pamilia ti ubing iti kaso kontra iti tatang-na.
Segun ken ni Lardizabal, mannarimaan ti pannaka-proseso ti kaso ket makikoko-ordinar da kadagiti kapulisan tapno nadardaras a matunton ken makemmeg ti tatang ti ubing nga isu ti mapapati ti nangaramid ti krimen.
Innayon pay ni Lardizabal a makikoko-ordinar met ti pamilia ti lalaki tapno matiliw ken maikkan hustisia ti anak-na.
