Nasalamaan dagiti kameng ti Tagudin Animal Quarantine ti maysa a trak a nagkarga iti 20 a baka nga aggatad iti mapatta-patta a P420,000.
Ti drayber ket agtawen iti uppat a pulo ket innem idinto a ti helper-na ket agtawen iti uppat a pulo ket tallo, agpada nga gnaed iti siudad ti Baguio.
Nasitar iti Animal and Highway Checkpoint idiay Barangay Bio, Tagudin ti maysa a white dropside truck a nagkarga iti 20 a baka.
Saan a nagpaidalan ti drayber ken helper iti inspeksion iti animal quarantine checkpoint a maibilang a panaglabsing iti Sectio 4 paragraph j ti Provincial Ordinance No. 15-05 Series of 2015 wenno ti Animal Quarantine Ordinance.
Adda ita iti kustodia dagiti kameng ti Tagudin Animal Quarantine dagiti natiliw, agraman ti lugan ken dagiti baka, para iti proper disposition.
