Nasalamaan ti maysa a motorsiklo kalpasan a nagibiahe iti limagasut a ducklings nga awan ti naan-anay a permitna iti national highway idiay Barangay Bio, Tagudin, Ilocos Sur itay malem. June 11, 2026.
Ti nagmaneho iti Black Rusi Macho TC 125 ket lalaki, agtawen iti uppat a pulo, baro, holder iti non-professional driver’s license nga agnaed idiay Purok 1, La Purisima, Aliaga, Nueva Ecija.
Nasalamaan ti nasao a lugan babaen kadagiti kameng ti Tagudin Animal Quarantine ta nagkarga iti 500 heads iti D.O.C (duckligs) nga aggatad iti P1,000.
Ti nasao a driver ket naglabsing iti Provincial Ordinance No. 15-06 series of 2014 section 4 paragraph b para iti falsified shipping permit, paragraph h para iti saan nga accredited a transport carrier, ken paragraph j gapu iti pannakapaayna iti inspeksyon.
Iti agdama, ti driver ken lugan ket addan iti kustodiya iti Tagudin Animal Quarantine tapno dumalan iti husto a proseso.
