Nasalamaan ti maysa nga elf truck gapu iti panagkarga iti baka a saan a dokumentado iti national highway idiay Barangay Bio, Tagudin, Ilocos Sur.
Ti nagmaneho iti Arc White Isuzu Elf ket lalaki nga agtawen iti limapulo ket siam, naasawaan, driver nga agnaed idiay Barangay 28 Bago, Vintar, Ilocos Norte.
Nasalamaan dagiti kameng ti Tagudin Animal Quarantine ti nasao nga elf truck a nagilugan iti sangapulo ket dua a baka a mapatta-patta nga aggatad iti P360,000 ta naglabsing iti Provincial Ordinance No. 15-06 section 4 paragraph b no shipping permit, paragraph h wenno vehicle not accredited transport carriers, ken paragraph j wenno pannakapaay a simmuko para iti inspeksyon.
Addan ti kustodiya iti Tagudin Animal Quarantine ti driver pakairamanan ti lugan ken dagiti baka tapno dumalan iti husto a proseso.
