VIGAN CITY – Indeklerar dagiti amin nga ili idiay probinsiya ti Abra a persona non grata dagiti miyembro ti Communist terrorist groups kadagiti masakupan da a lugar.
Agsipud iti dayta, awanen iti kaimud-mudingan dagiti miyembro ti Communist Party of the Philippines, New People’s Army, National Democratic Front of the Philippines ken dagiti dadduma pay a kuman-kannigid a grupo a mapapati nga agdakdakiwas kadagiti naduma-duma nga ili idiay probinsiya ti Abra.
Mainaig dayta, nagyaman ni Governor Maria Jocelyn Bernos kadagiti amin a mayor iti naduma-duma nga ili gapu iti panangipakita da iti kalikagum da nga agbalin a natalna ken natalged iti probinsiya da babaen iti panangideklerar da kadagiti miyembro dagiti naduma-duma a kuman-kannigid a grupo a persona non grata.
Manamnama a babaen iti nasao nga addang ket makissayanen iti kinaranggas ken kinadamsak a mapaspasamak idiay probinsiya ti Abra nga aramid dagiti agrebrebelde kontra iti gobiyerno.
