VIGAN CITY – Sapsapulen pay laeng dagiti otoridad idiay Lagayan, Abra ti lalaki nga agtawen iti sangapulo ket lima a suspek iti pammaltog idiay Barangay Pulot a nakatayan ni Wilfred Bersamira alyas Boy London nga agtawen iti uppat a pulo ket dua, mangngalap nga agnaed iti nasao a lugar idi naminsan nga aldaw.
Segun ken ni Police Captain Harold Alagao, hepe ti Lagayan municipal police station, maibilang nga isolated case laeng iti napasamak ken ti pannakabartek iti makitkita da a kangrunaan a rason iti pasamak.
Inpudno ni Alagao a saan da pay nga ammo nu nangalaan ti suspek iti paltog nga inaramat na ta awan ti kapsula a nakita da iti nakapasamakan iti krimen.
Maipalagip a naginom ti biktima kadua na da Ali Donato kenni Peter Tandingan iti pagtaengan ni Allan Bernal ket idi agawid dan, nakasinnubang ti biktima iti kabsat a babai ti suspek.
Ti dayta a kanito, dimteng ti suspek ket pinaltugan na iti ulo ti biktima a poon iti nakatayan na uray nu naitaray idiay Abra Provincial Hospital.
