Nadunor ti maysa a pulis iti napasamak nga aksidente iti national highway ti Barangay Gabur Sur, Sta. Cruz, Ilocos Sur.
Nabigbig ti nagmaneho iti Isuzu Aluminum Van truck a ni Benjamin Costales Acan, agtawen iti uppat a pulo ket uppat, taga-Sto. Domingo, Urdaneta City, Pangasinan.
Ti met nagmaneho iti kotse (Hyundai Accent) ket ni Patrolman James Gabuat Osalvo, agtawen iti duapulo ket pito, taga-Barangay Poblacion Sur, Sta. Maria, Ilocos Sur a naidestino iti La Union Police Provincial Office.
Agpapa-abagatan ti trak idinto nga adda iti bangir a linya ti kotse ket idi madanonda ti nakapasamakan ti insidente, naawanan iti kontrol ti kotse ket immagaw iti linya ti trak.
Gapu dayta, nadungpar ti kotse ti akin-kannigid a paset ti trak isu a natulid ti trak iti tengnga ti kalasada idinto a ti kotse ket napan iti daya a paset ti kalsada.
Nadunor ti saka ken dapan ti drayber ti kotse idinto a ti drayber ti trak ket saan a naan-ano.
Naipaagas ti drayber ti kotse iti ospital para iti pannakatamingna.
