VIGAN CITY – Maysa a lalaki ti nasarakan nga awan biagnan iti canal idiay Brgy Casilagan Norte ili ti Banayoyo.
Nabigbig ti biktima a ni Mark Julius Orpilla, agtawen tallopulo ket uppat, maysa a rice miller helper a taga Casilagan Sur,Banayoyo.
Nakaawat ti tawag ti kapulisan manipud iti agnagan ti Julius Manzano nga adda nasarakanda a bangkay nga isu iti dinanon dagiti otoridad.
Segun kenni Julius a maysa kadagiti gayyem ti biktima, napanda nagiinom iti pagtaengan ti agnagan ti Samuel Quiba idi October 22,2022 iti alas sais kinse ti rabii ken intuloyda ti panagiinom iti pagtaengan ti biktima.
Agarup alas dyes iti rabii iti dayta nga aldaw, pimmanaw ti biktima iti balayda ket naudi a nakita isuna nga agtugtugaw iti asideg iti kanal.
alasyete bainte-otso iti agsapa idi October 26 , nakita laengen ni Juliet Galanga, agtawen limapulo ket siam ti biktima nga awan biag nan iti canal.
