VIGAN CITY – Tallo a lallaki a nabartek pakairamanan ti maysa a menor de edad ti nangdangran ti maysa a lalaki idiay Brgy. San Pablo, Sto. Domingo.
Nabigbig ti biktima a ni Walter Ragasa Mendoza agtawen ti uppat a pulo ket pito agnaed ti nasao a barangay ken dagiti suspek a da Roberto Vesta Recotoso agtawen tallo pulo ket innem kenni Christopher Pimienta Tactay agtawen dua pulo ket dua ken ti maysa pay a suspek a menor de edad.
Basar ti report manipod Sto. Domingo Municipal Police Station, nabartek dagiti tallo a suspek ket nagprobokarda ken rinautda ti biktima iti pagtaenganda nga awan iti aniaman a rasonna.
Nagtitinnulong dagiti tallo a nangkbil kenni Mendoza ken binansag pay ti suspek a ni Christopher iti mamin ado a daras.
Nagsagaba ti dunor ti ulo ti biktima a naipan idiay Magsingal District Hospital para iti pannakatamingna ken insigida a nakemmeg dagiti suspek ken dimmalan ti medicolegal.
