Ipangruna ni Presidente Ferdinand Marcos Jr iti maudi a paset ti terminona ti edukasyon tapno masigurado ti masangwanan dagiti mangmangged a Pilipino.
Segun ken ni Marcos, ti edukasyon ti pakarukodan ti balligi ti administrasyon isu nga ikagumanna a matungpal ti karina iti State of the Nation Address-na a kada pamilia ket adda makaturpos iti kolehio wenno manipud iti technical-vocational school.
Innayon ni Marcos nga awan ti mapasamak iti pagilian no awan ti dekalidad nga edukasyon ken panagsanay dagiti Pilipino.
Natalek ti presidente a matungpal daytoy sakbay a malpas ti terminona isu a pasayaatenna ti sektor ti edukasyon tapno maisagana dagiti sumaruno a henerasyon tapno nadurdur-as ti masakbayan ken makagiddan kadagiti sabali pay a labor force iti intero a lubong.
