Nagsarita ti Mayor for Good Governance maipanggep iti kontrobersial a panagliway ni Sen. Bato dela Rosa iti Senado iti uneg iti pito a bulan sakbay a nagpakita manen idi May 14, 2026 tapno agbotos iti panagsukat iti liderato.
Segun ti grupo, bayat nga agaw-awat iti umabot P300,000 kada bulan ni dela Rosa wenno mapatta-patta nga umabot iti P2.1 million iti naawatna a sueldo iti baet iti saanna a panagdar-ay.
Dinakamat dagiti mayor a kadagiti ordinaryo a mangmangged ket maipatpatungpal ti prinsipiyo iti “no work, no pay” ken ti nasao a klase iti panagliway ket sigurado nga agresulta iti suspension wenno pannaka-ikkat iti trabaho.
Kinunada a dakkel nga insulto kadagiti umili iti agtultuloy a panagawat ti sueldo ti nabotosan nga opisyal a saan a magar-aramid iti akemna kangrunaan ket inaldaw-adlaw a sumangsango dagiti Pilipino iti rigat, nangina a presyo dagiti magatang ken krisis iti pagsapulan.
Nagpanawagan ti grupo kadagiti senador a saan a pagbalinen a pagtarayan ti absenteeism ti Senado ken saan a salakniban dagiti opisyal a manglikliklik iti responsibilidad.
