--Ads--
Inallukoy ti National Bureau of Investigation ni Senador Ronald ‘Bato’ Dela Rosa a sangwen ti kasona ken isardeng ti mapapati a panaglemlemmengna kadagiti otoridad.
Segun ken ni NBI Director Melvin Matibag, nasaysayaat no sangwen ni Dela Rosa dagiti pammabasul mainaig iti crimes against humanity kas dati nga opisial ti law enforcement.
Impaganetget ni Matibag a nagserbi a panangilawlawag ti report ti Philippine National Police nga awan ti ebidensia a rinaut ti NBI ti Senado idi Mayo 13, kalpasan ti pannakairamanda iti kontrobersia.
Kabayatanna, pinasingkedan ti Department of Justice nga agur-urayda kadagiti legal a proseso ngem mabalin nga agtignay dagiti otoridad no gandaten ni Dela Rosa ti pumanaw iti pagilian.
-- ADVERTISEMENT --
