VIGAN CITY – Saan nga ammu ni Mayor Germilina Singsong Golart no ania iti rason dagiti meat vendors iti ili ti Caoayan no apay a saan da a naglako iti karne iti merkado publiko.
Iti pannaki-uman ti Bombo Radyo Vigan kenni Mayor Golart, nadamag na iti nagbalin nga aksyon dagiti agtagtagilako ti karne ta saan da a napan naglako iti tiendaan ngem iti mismon a pagtaenganda iti naglakwan da.
Innayon ti Mayor a nakaawat isuna iti surat manipod kadagiti meat vendors a napetsaan idi February 10 ngem February 23 a dimmannon iti opisinana a mangkidkiddaw nga agpangato iti presyo ti karne.
Masapol nga iyuray nga umuna iti aksyon ti lokal a gobyerno ta saan a nadaras ken masapol nga umuna iti taripnong babaen kadagiti maseknan ken ti LGU.
Ti inaramid dagiti meat vendors ket nalawag a panaglabsing iti katulagan da kadakuada.
