Natay iti lima a tattao kalpasan iti massive landslide iti Wayand District, Kerala, India gapu iti agtultuloy a napigsa a tudo.
Napasamak iti landslide iti asideg ti Meenakshi Bridge idiay Kalladi, a pakaisaysayangkatan iti maysa a tunnel road project a mangikonektar kadagiti distrito iti Malappuram ken Wayand.
Adu a construction workers iti adda iti lugar idi nagreggaay iti daga ken nagaburan iti pitak ken kadagiti debris.
Insigida nga insayangkat ti search and rescue operations dagiti kameng ti National Disaster Response Force (NDRF), kapulisan ken fire and rescue teams tapno sapulen dagiti posible a na-trap iti sirok iti nargaay.
Segun kadagiti otoridad, agtultuloy iti panagtudo iti lugar isu nga agtaltalinaed a delikado ti rescue operation.
Nangiruar ti red alert ti India Meteorological Department idiay Wayanad gapu iti nakaru a tudo idinto nga agtaltalinaed a napeggad iti baro a landslide iti sumagmamano a kaasideg a lugar.
Ti Wayanad ket maysa kadagiti lugar idiay Kerala a masansan a maap-apektaran no panagtutudo.
