Nangiruar ti Maritime Industry Authority iti contingency measures tapno mapagtalinaed ti natibker nga operasion ti domestic shipping iti baet ti kumarkaro a krisis iti Middle East.
Binilin ti MARINA dagiti shipping companies ken maritime stakeholders a mangipatungpal kadagiti addang a makatulong iti posible nga epekto iti ngumin-ngina a presio ti langis ken parikut iti world tanker shipping operations.
Segun ken ni Maritime Industry Authority Administrator Sonia Malaluan, mapalubosan dagiti shipping operator a mangisayangkat iti operational adjustment kas ti trip consolidation ken panangkissay iti biahe tapno makainut iti fuel consumption.
Mabalinen a mangipatungpal iti fuel surcharge wenno plete nga agingga dua a porsiento basar iti base fare kabayatan ti agtultuloy a krisis, a sakup ti regulasion ti MARINA.
