Nadutokan ni Marikina City 2nd District Rep. Stella Luz Quimbo a mangtugaw iti pinanawan a puesto ni Ako Bicol party-list Rep. Zaldy Co kas chairman ti appropriations committee ti House of Representatives, ngem kas laeng acting capacity.
Segun kenni House secretary general Reginald Velasco, ti panagtugaw ni Quimbo kas acting leader ti House Committee ket kas panangsurot ti rule Rule 9 ti House governing committees section 32.
Iti pagannurotan ti Kamara, dagit case ti “vacancy, death, resignation, permanent disability wenno removal” ti panel chairman, ket nasken a tugawan ti miembro a sumaruno iti committee list nga isu ni Quimbo, a second-term legislator.
Ti pannakadutok ni Quimbo ti mangipasigurado iti agtultuloy nga operasion ti appropriations committee iti panangtungpalda kadagiti napateg a legislative duties, nagruna iti period of transition.
