--Ads--
Nagballaag ni Presidente Ferdinand Marcos Jr kadagiti negosiante ken trader a saanda a gundawayan ti agtultuloy a riribuk iti Middle East.
Iti maysa a video message, impasigurado ni Marcos nga itultuloy ti gobierno nga imonitor ti presio dagiti kangrunaan a kasapulan iti tiendaan kagiddan ti manamnama a panagpangina ti presio ti langis, a posible a mangapektar iti presio dagiti magatgatang.
Maipalagip a kimmaro ti riribuk iti Middle East, kalpasan ti pannakapapatay ti Iranian Supreme Leader a ni Ayatollah Ali Khamenei gapu iti airstrike ti US-Israel, banag a nakaragsakan ni American President Donald Trump.
Innayon ni Trump nga agtultuloy ti combat operation idiay Iran agingga a maragpatda dagiti kayatda a mapasamak.
-- ADVERTISEMENT --
