Impatangken ti Department of Information and Communications Technology (DICT) a ti mapapati a leaked documents ti Association of Southeast Asian Nations (ASEAN) 2026 ket awan iti nakaipauneg a natibker ken pudno nga impormasyon.
Segun ti ahensya, nakadanon iti opisinada dagiti report iti mapapati a saan nga otorisado a pannakaibutaktak dagiti dokumento nga adda pakainaigan iti panagsagana iti Pilipinas iti panag-host iti ASEAN Summit 2026.
Maibasar iti inisyal a patta, dagiti dokumento ket agpapada a panagsagana ken administratibo ken saan a karaman dagiti napapateg a dokumento wenno papeles maipanggeo kadagiti agenda iti ASEAN, dagiti official deliberations maipanggep dayta wenno dagiti patangan para kadagiti polisiya wenno pagannurotan nga adda pakainaigan ti summit.
Siguradoen pay ti DICT nga awan iti aniaman nga indikasyon ita iti sistemada a dagiti plataporma ken dadduma pay a classified deliberative materials maipanggep ti ASEAN ngem makomkompromison.
Kabayatanna, siguradoen ti DICT nga im-imbestigaran ti Philippine National Police (PNP) ken paingetenda ti panangpatibker ti cybersecurity measures para iti ASEAN 2026 para iti seguridadda.
