Ikagkagumaan ti Municipal Agriculture Office iti ili ti Bantay a mapasayaat ti produksion ken apit iti baet ti nalaka a presio ti irik.
Iti pannaki-uman ti Bombo Radyo Vigan ken ni Municipal Agriculture Officer Jordan Briones, makipagladingitda kadagiti mannalon ta P11.00 laeng ti presio ti wet palay idinto a P15.50 met no dry palay.
Makipatpatangda met kadagiti trader no apay a kasta ti napasamak ngem ti ikalinteganda ket dagiti gastosda iti biahe ken panagibilagan.
Dinakamat pay ni Briones nga idi P18.00 ti presio ket awanen ti maganganab dagiti mannalon isu a doble ti lugida ita a limmaka manen ti irik.
Maamakda pay nga amangan no agtultuloy ti kasta a presio ket awanton ti maganasan nga agmula, ket mairaman a marigatan dagiti konsyumer.
Nupay kasta, mangnamnamada nga adda pammilin nga aggapu iti Department of Agriculture nga isu koma ti sangsangkamaysa a masurot a presio.
